ബൈബിള്‍ കഴിഞ്ഞാല്‍ ലോകഭാഷകളില്‍ ഏറ്റവും വിവര്‍ത്തനം ചെയ്തിട്ടുള്ള ഗ്രന്ഥമാണ് ലാവോത്സുവിന്‍റെ താവോ തേ ചിങ്. വെറും 81 ഗാനങ്ങളും അയ്യായിരം ചൈനീസ് അക്ഷരങ്ങളുമുള്ള ഈ ലഘു ഗ്രന്ഥത്തിന് ഇത്രയും പ്രാധാന്യം കൈവന്നതെങ്ങനെ എന്നു ചിന്തിക്കുമ്പോഴാണ് ലാവോത്സുവിന്‍റെ ചിന്തകളുടെ നിസ്തുലതയും മഹത്വവും വെളിവാക്കപ്പെടുന്നത്. നന്മയുടെ വഴികളെപ്പറ്റി ചിന്തിക്കുന്ന ഈ പുസ്തത്തിലെ പല ചിന്തകളും ബൈബിളിലേതിനു സമാന്തരമാണ്. ഉദാഹരണത്തിന്
യോഹന്നാന്‍റെ സുവിശേഷം ആരംഭിക്കുമ്പോഴുള്ള 'വചന' വുമായി 'താവോ' യെ താരതമ്യപ്പെടുത്താവുന്നതാണ്.
