മാനവജീവിതവുമായി ഇഴുകിച്ചേര്‍ന്നിരിക്കുന്ന രാമായണത്തിലെ സ്ത്രീകഥാപാത്രങ്ങള്‍ വളരെ ശക്തമായ സാന്നിധ്യമാണ്. ദശരഥമഹാരാജാവിന്‍റെ ജീവിതം ദുഃഖപര്യവസായിയാക്കാന്‍ കൈകേയിക്കു കഴിഞ്ഞെങ്കില്‍, അമിതാസക്തി പൂണ്ട രാവണനെയും കുലത്തെയും നശിപ്പിക്കാന്‍ ശൂര്‍പ്പണഖയ്ക്ക് സാധിച്ചു; സീതാദേവി ഒരു നിമിത്തവും. രാമായണത്തിലെ പ്രമുഖ സ്ത്രീകഥാപാത്രങ്ങളെ അവതരിപ്പിക്കുന്നത് വിവര്‍ത്തകന്‍, പത്രപ്രവര്‍ത്തകന്‍ എന്നീ നിലകളില്‍ പ്രശസ്തനായ ശ്രീ.പി.കെ. സുകുമാരനാണ്. കൗസല്യ മുതല്‍ സ്വയംപ്രഭ വരെയുള്ള പതിനാല് പ്രമുഖസ്ത്രീകഥാപാത്രങ്ങളുടെ കഥയാണ് ഈ ലഘുഗ്രന്ഥം.
