കൂരിരുട്ട് കൊണ്ട് മൂടപ്പെട്ട ശൂന്യമായി കിടന്ന പ്രപഞ്ചത്തിൽ ആദ്യമായി ഈശ്വര ചൈതന്യം സ്പന്ദനക്ഷമമായത് മുതൽ പ്രപഞ്ചം എങ്ങനെ സൃഷ്ടിക്കപ്പെട്ടു, എന്താണ് ഈശ്വരന്റെ രൂപവും നാമവും , ആത്മാവ് എന്നാലെന്ത്, ജനനമരണ രഹസ്യങ്ങൾ, എന്തുകൊണ്ട് വിഗ്രഹാരാധന, നവഗ്രഹങ്ങളും വിഗ്രഹാരാധനയും തമ്മിലുള്ള ബന്ധം , ജീവിതത്തിൽ യോഗ , പ്രാണയാമം തുടങ്ങിയവയുടെ പ്രസക്തി , സത് സന്താന ലബ്ധിക്കുള്ള മാർഗ്ഗങ്ങൾ, പൂർവ്വജന്മ കർമ്മങ്ങളും ഈ ജന്മവും തമ്മിലുള്ള ബന്ധം, ദാനധർമ്മാദികളുടെ ആവശ്യകത , എങ്ങനെ ഒരു സാധാരണ മനുഷ്യന് പരമപദത്തിൽ എത്തിച്ചേരാൻ തുടങ്ങിയ ഹൈന്ദവ വിജ്ഞാന സമുദ്രത്തിലെ മൊഴിമുത്തുകൾ ഹിന്ദു ധർമ്മസംഹിത എന്ന ഈ പുസ്തകത്തിൽ വളരെ ലളിതമായി വിവരിച്ചിരിക്കുന്നു.

കുട്ടികള്‍ക്കും മുതിര്‍ന്നവര്‍ക്കും ഭാരതീയ ഇതിഹാസ പുരാണാദികളില്‍ നിത്യശോഭിതരായ വ്യക്തിത്വങ്ങളെ പരിചയപ്പെടുത്തുന്ന ഈടുറ്റ ഗ്രന്ഥം.

മഹാഭാരതം എന്ന ആധാരത്തിൽ ഊന്നിനിന്നുകൊണ്ട് വ്യാസ ഹൃദയത്തിലൂടെ ഭീഷ്മ തത്വങ്ങൾ ലേക്കുള്ള സർവകാല സഞ്ചാരമാണ് ഈ കൃതി

അഗാധമായ ജ്ഞാനവും അനന്തഗുണഗണങ്ങളുമുള്ള നാരദമഹർഷിയെ വെറും കലഹ പ്രീയനാക്കിയവരുടെ നിരീക്ഷണ വൈകല്യം തുറന്നു കാണിക്കുന്ന പഠനം. മഹാഭാരതത്തിൽ ഒതുങ്ങി നിന്ന് 'വ്യാസന്റെ നാരദനെ' വീണ്ടും കണ്ടെന്നുന്നു. പുനർവായനയിലൂടെ സമാജത്തിന് ദിശാബോധം നല്കി പ്രകാശോന്മുഖമാക്കുന്ന വ്യത്യസ്ത ഗ്രന്ഥം

മുതിർന്നവർക്കും കുട്ടികൾക്കും ആദികാവ്യമായ വാല്‌മീകിരാമായണം അയത്നലളിതമായ വായിക്കാവുന്ന ഗ്രന്ഥം . പ്രധാന കഥാസന്ദർഭങ്ങൾ വിശധികരിച്ച അതിലടങ്ങിരിക്കുന്ന ഉന്നതമായ തത്വബോധവും ധർമചിന്തയും കർത്തവ്യനിഷ്ഠയും സാഹോദര്യവും രാജ്യസങ്കല്പവും പുതിയ തലമുറയിലേക്കു

 പകരുവാൻ പര്യാപ്തമായ അതിസുന്ദരവും സമ്പൂർണ്ണമായ പുനരാഖ്യാനം .

മനുഷ്യജന്മം കൊണ്ട് സാധിക്കേണ്ടത് പരമപുരുഷാർത്ഥമായ മോക്ഷമാണ്. ആ മോക്ഷ പ്രാപ്തിക്ക് വേദാന്തശ്രവണാദികൾ ചെയ്ത് ജ്ഞാനം സമ്പാദിക്കണം. പക്ഷേ, കലികാലത്തു ഈവക കാര്യങ്ങൾ സാധിക്കുന്നതിൽ പലരും അശക്തരാണ്. കാരണം ഇന്നുള്ളവർക്ക് മനോനിയമം ദുഷ്കരമാണ്. ഭഗവാൻറെ അവതാരലീലകളെയും മറ്റും ശ്രവണം ചെയ്തും കീർത്തനം ചെയ്തും ഭക്തി സമ്പാദിക്കുകമാത്രമാണ് ഈ കലികാലത്തിൽ കരണീയമായിട്ടുള്ളത്. ആ ഭക്തി ഫലപുഷ്ടിയെ പ്രാപിച്ചാൽ മുക്തിക്കു വേണ്ടതായ ജ്ഞാനവൈരാഗ്യദികൾ താനേസംഭവിച്ചുകൊള്ളും. നിഷ്കാമഭക്തികൊണ്ട് ചിത്തം ശുദ്ധമായിക്കഴിഞ്ഞാൽ ജ്ഞാനം താനേപ്രകാശിക്കുകയും ചെയ്യും. ജ്ഞാനം കൊണ്ട് മുക്തി ലഭിക്കും. ജ്ഞാനം കൊണ്ടേ മുക്തിസിദ്ധിക്കൂ എന്നാണ് ശാസ്ത്രസിദ്ധാന്തം. ഭഗവതത്തെ ഉപാസിക്കുന്നവർക്ക് അതുമാത്രം മതി ജ്ഞാനലബ്ദിക്ക്.

അത് കൊണ്ട് ഭാഗവതം സർവത്ര പ്രചരിപ്പിക്കുവാൻ സംഗതി ഉണ്ടാകട്ടെ . അതിന് ഗുരുവായൂരപ്പൻറെ അനുഗ്രഹമുണ്ടാവട്ടെ..

ഓം നമോ നാരായണായ!

കേരളീയഭവനങ്ങളില്‍ രാമായണപാരായണം നിത്യാനുഷ്ഠാനങ്ങളില്‍ ഒന്നാണ്. ഒരുകാലത്ത് രാവിലെയോ സന്ധ്യയ്ക്കോ രാമായണം വായിക്കാത്ത കേരളീയഭവനങ്ങളുണ്ടായിരുന്നില്ല.  ചെറിയവരും വലിയവരും എന്ന ഭേദമില്ലാതെ, അക്ഷരശുദ്ധിയോടെ രാമായണം വായിച്ച്, സരസമായും സഭ്യമായും സംസാരിക്കാന്‍ കേരളീയര്‍ പഠിച്ചതും, അക്ഷരശുദ്ധി കൈവരിച്ചതും രാമായണപാരായണംകൊണ്ടാണ്.  മാതൃഭാഷാസംസ്കാരം നഷ്ടപ്പെട്ടുവെന്നു വിലപിക്കുന്ന ഇംഗ്ലീഷ് മാധ്യമക്കാരനായ ആധുനിക മലയാളിക്ക്, രാമായണപാരായണം ഒന്നുകൊണ്ടുമാത്രം മലയാളപാരമ്പര്യം കാത്തു രക്ഷിക്കാന്‍ കഴിയും. അത്രയ്ക്കുണ്ട് രാമായണമാഹാത്മ്യം.

മഹാകാവ്യ ലക്ഷണങ്ങൾ ഒന്നുചേർന്ന കൃതിയാണ് ഹിന്ദി ഭാഷയിലെഴുതപ്പെട്ട സുദാമാചരിതം (കുചേലചരിതം) ശുദ്ധ നാടൻ പ്രയോഗങ്ങളോടു കൂടിയ, ഭാഷാമാധുര്യം തുളുമ്പിനിൽക്കുന്ന കാവ്യം ഭാരതീയ ഭാഷകളിൽ തന്നെ അപൂർവമെന്ന് വിശേഷിപ്പിക്കപ്പെടുന്നതാണ്.

ഭഗവാനും ഭക്തനും തമ്മിലുള്ള   അഭേദ്യബന്ധം വിശദീകരിക്കുന്ന സുദാമാചരിതത്തിന്റെ പ്രഥമ മലയാളപരിഭാഷ .

സര്‍വശക്തിയുടേയും സമന്വയ കേന്ദ്രമായ പ്രകൃതിശക്തിയുടെ ദിവ്യരഹസ്യങ്ങളെ തത്ത്വാധിഠിതമായി അറിഞ്ഞുപാസിച്ച് ജീവാത്മാവില്‍ സ്വായത്തമാക്കി മനുഷ്യന്‍ തന്നെ ഒരേ ജډത്തില്‍ ദേവതാസ്വരൂപമായി പരിണമിക്കുന്നതിനുള്ള ഭണ്ഡാഗാരമാണ് അത്യുല്‍കൃഷ്ടമായ ശ്രീമദ് ദേവീഭാഗവതം. ധര്‍മസാധനകളായ സത്കഥകള്‍, ഉപദേശങ്ങള്‍, ധ്യാനങ്ങള്‍, മന്ത്രങ്ങള്‍, ഉപനിഷത്ത് തത്ത്വങ്ങള്‍ എന്നിവ കൂടാതെ മന്ത്രം, സ്തോത്രം ഇവയും മൂലകൃതിയില്‍നിന്നും പ്രത്യേകം എടുത്തുചേര്‍ത്തിരിക്കുന്ന ദേവീഭാഗവതത്തിന്‍റെ ഗദ്യപരിഭാഷ.