പ്രധാനമന്ത്രി നരേദ്രമോദി ഭാരതീയ യുവതയ്ക്കായി തയ്യാർ ചെയ്‌ത ഏറെ പ്രേരാണാദയകാമായ പുസ്കതകം. ലളിതവും പരസ്പരം ആശയവിനിമയം നടത്തുന്ന രീതിയിലും എഴുതിയിട്ടുള്ള ഈ പുസ്തകത്തിൽ വിദ്യാർഥികളെ സമ്മർദത്തിൽനിന്ന് മുക്തമാക്കുന്ന ഇരുപത്തിയഞ്ചു മന്ത്രങ്ങളാണുള്ളത്‌ .

ഓരോ മന്ത്രത്തിനുശേഷവും നിരവധി രസകരങ്ങളായ ആക്ടിവിറ്റികളുണ്ട് . ഇവ പുസ്തകത്തിലൂടെയും നരേദ്രമോദി ആപ്പിലെ എക്സാം വാറിയർ മോഡ്യുൾ വഴിയും ചെയ്യാൻ സാധിക്കും .വിദ്യാർത്ഥികളിൽ ഏകാഗ്രതയും സ്മരണശക്തിയും ആത്മവിശ്വാസവും വർധിപ്പിക്കാനാവശ്യമായ ആസനങ്ങളും പ്രാണായാമങ്ങളും ഇതിലുൾക്കൊള്ളിച്ചിട്ടുണ്ട്. വിദ്യാർഥികൾക്ക് പരീക്ഷാവിജയത്തിനൊപ്പം ജീവിതവിജയത്തിനും ഉപയോഗപ്രദമാണ് എക്സാം വാറി യേഴ്സ് .

ബംഗാളിഭാഷയിൽ നിന്നും പിറവികൊണ്ട് ഭാരതീയ ഭാഷകളിൽ പ്രമുഖസ്ഥാനമലങ്കരിക്കുന്ന ഒറിയ, കാലാന്തരങ്ങളെ കടന്നുനിൽക്കുന്ന സാഹിത്യ സൃഷ്ടികൾ സംഭാവനചെയ്ത ഭാഷയാണ്. ഗ്രാമീണ ജീവിതത്തിന്‍റെ കിതപ്പും ഉൾവഹിക്കുന്ന കഥാപ്രപഞ്ചം ഒറിയ സാഹിത്യത്തിന്‍റെ പ്രത്യേകതയാണ്. നവോത്ഥനകാലത്തും സമകാലികവുമായി എഴുതപ്പെട്ട ഒറിയ സാഹിത്യത്തിലെ പ്രമുഖ കഥാകൃത്തുക്കളുടെ 26 കഥകൾ.

ഓരോ വീട്ടിലും മഴവെള്ള സംഭരണി ഉപയോഗപ്പെടുതേണ്ടത്തിന്റെ ആവശ്യകത മുൻനിർത്തി 'ജീവധാര' പദ്ധതിയുടെ അനുഭവസമ്പത്തിൽ നിന്നും രൂപപ്പെടുത്തിയ പാരിസ്ഥിതിക ചിന്തകൾ. സ്വാഭാവിക ജലസ്രോതസ്സിനെ വേണ്ടവിധം പരിപോഷിപ്പിച്ച് വരൾച്ചയെ. എപ്രകാരം അതിജീവിക്കാമെന്ന് വ്യക്തമാക്കുന്ന കൈപുസ്തകമാണിത്.

ബൈബിള്‍ കഴിഞ്ഞാല്‍ ലോകഭാഷകളില്‍ ഏറ്റവും വിവര്‍ത്തനം ചെയ്തിട്ടുള്ള ഗ്രന്ഥമാണ് ലാവോത്സുവിന്‍റെ താവോ തേ ചിങ്. വെറും 81 ഗാനങ്ങളും അയ്യായിരം ചൈനീസ് അക്ഷരങ്ങളുമുള്ള ഈ ലഘു ഗ്രന്ഥത്തിന് ഇത്രയും പ്രാധാന്യം കൈവന്നതെങ്ങനെ എന്നു ചിന്തിക്കുമ്പോഴാണ് ലാവോത്സുവിന്‍റെ ചിന്തകളുടെ നിസ്തുലതയും മഹത്വവും വെളിവാക്കപ്പെടുന്നത്. നന്മയുടെ വഴികളെപ്പറ്റി ചിന്തിക്കുന്ന ഈ പുസ്തത്തിലെ പല ചിന്തകളും ബൈബിളിലേതിനു സമാന്തരമാണ്. ഉദാഹരണത്തിന്

യോഹന്നാന്‍റെ സുവിശേഷം ആരംഭിക്കുമ്പോഴുള്ള 'വചന' വുമായി 'താവോ' യെ താരതമ്യപ്പെടുത്താവുന്നതാണ്.

സാക്ഷരകേരളം, സാംസ്ക്കാരിക കേരളം, ദൈവത്തിന്‍റെ സ്വന്തം നാട്, ആരോഗ്യകേരളം എന്നീ വിശേഷണങ്ങളോട് കൂടി ലോകരാഷ്ട്രങ്ങള്‍ക്കിടയില്‍പോലും അഭിനന്ദനം ഏറ്റുവാങ്ങിയ കേരളം ഇന്ന് മദ്യപാനത്തിന്‍റെയും  മയക്കുമരുന്നിന്‍റെയും പിടിയിലമര്‍ന്ന് ചോദ്യചിഹ്നമായിരിക്കുകയാണ്. സമൂല പരിവര്‍ത്തനമാഗ്രഹിക്കുന്ന സാമൂഹ്യമനഃസാക്ഷി ഉണരേണ്ട അത്യന്തം ഗൗരവമേറിയ 'ഇന്നത്തെ മദ്യപാനം അടിസ്ഥാന കാരണങ്ങള്‍' എന്ന  അഡ്വ. സുഗതന്‍ ചിറക്കരയുടെ ഈ കൃതി വായനക്കാരിലേയും ഏറെ സാമൂഹ്യപ്രതിബദ്ധതയോടെ സമര്‍പ്പിക്കട്ടെ.

കൃഷ്ണനെപ്പറ്റി ഉത്തരംകിട്ടാത്ത നൂറുനൂറു ചോദ്യങ്ങള്‍ ഗവേഷണപഠനങ്ങളുടെ നടുമുറ്റത്ത് ഗതികിട്ടാതെ ഉഴലുന്നുണ്ട്. ശാസ്ത്രജ്ഞനായ ഒരു എഴുത്തുകാരന്‍ ഈ ചോദ്യങ്ങളുടെ ഉത്തരം അന്വേഷിച്ച്, ഗവേഷണമാര്‍ഗ്ഗം വിട്ട്, ബാല്യം മുതല്‍ താന്‍ തുടങ്ങിയ മഹാഭാരതാസ്വാദനത്തിന്‍റെ മാര്‍ഗ്ഗം തന്നെ എത്തിച്ച ഹൃദയാങ്കണത്തിലേക്ക് പ്രവേശിച്ചപ്പോള്‍, അദ്ദേഹത്തിന്‍റെ തൂലിക വരഞ്ഞ ചിത്രമാണ് ഈ 'കൃഷ്ണപക്ഷം'