സനാതന തത്ത്വങ്ങളുടേയും ധർമ്മങ്ങളുടേയും വിശ്വാസ പ്രമാണങ്ങളുടേയും ചുവട് പിടിച്ച് സാധാരണക്കാർക്കു വേണ്ടി ലളിതമായ ഭാഷയിൽ രചിച്ചിട്ടുള്ള പുസ്തകമാണ് ഹൈന്ദവം .

കേരളത്തില്‍ 15-ാം നൂറ്റാïണ്ടുമുതല്‍ ഭാരതം സ്വാതന്ത്ര്യം നേടുന്നതുവരെയുള്ള ദൈര്‍ഘ്യമേറിയ കാലഘട്ടത്തില്‍ സംഭവിച്ച മതപരിവര്‍ത്തന പ്രവര്‍ത്തനങ്ങളേയും വൈദേശിക ശക്തികളുടെ ഇതു സംബന്ധമായ നിഗൂഢ നീക്കങ്ങളേയും ചരിത്ര വസ്തുതകളുടെ പിന്‍ബലത്തില്‍ അതിസൂക്ഷ്മമായി വിലയിരുത്തുകയാണ് ഗ്രന്ഥകാരന്‍ ശ്രീ സന്തോഷ് ബോബന്‍ മതപരിവര്‍ത്തനത്തിന്റെ രാഷ്ടീയം എന്ന ഈ ഗ്രന്ഥത്തില്‍.

പൗരസ്ത്യ മേഖലകളിലേയ്ക്കു കടന്നുകയറ്റം നടത്തിയ പാശ്ചാത്യ വാണിജ്യ ശക്തികള്‍ക്കുമേല്‍ മാര്‍പ്പാപ്പയ്ക്ക് ഉïായിരുന്ന അധീശത്വവും ശാസനങ്ങളും എത്രത്തോളം മതംമാറ്റ പ്രവര്‍ത്തനങ്ങളെ സ്വാധീനിച്ചിരുന്നുവെന്നതും ഗ്രന്ഥം ചൂïണ്ടിക്കാട്ടുന്നു. കേരളത്തില്‍ ക്രിസ്തുമതത്തിന്റെ കടന്നുവരവും സഭകളുടെ പ്രവര്‍ത്തനവും ഏതെല്ലാം സഭകള്‍ ഏതുനിലയില്‍ പ്രവര്‍ത്തിച്ചുകൊണ്ടിരിക്കുന്നുവെന്നതും സഭകള്‍ തമ്മിലുള്ള ശത്രുതയും സംഘര്‍ഷങ്ങളുമൊക്കെ ഗ്രന്ഥത്തില്‍ വിവരിക്കുന്നുണ്ടï്. മതപരിവര്‍ത്തനത്തെക്കുറിച്ച് വളരെ ആഴത്തില്‍ പഠന-ഗവേഷണങ്ങള്‍ നടത്തി ആധികാരികമായി തയ്യാറാക്കിയിട്ടുള്ള ഗ്രന്ഥം 'മതപരിവര്‍ത്തനത്തിന്റെ രാഷ്ട്രീയം'.

ശ്രേഷ്ഠഭൂമി ഭാരതത്തെക്കുറിച്ചും അതിന്റെ മഹിമയാർന്ന സംസ്കാരത്തെക്കുറിച്ചും വിപുലമായ സമ്പദ്ഘടനയെക്കുറിച്ചും വിലപ്പെട്ട വിവരങ്ങൾ പുതുതലമുറയ്ക്ക് പകർന്നു നല്കുന്ന ഗ്രന്ഥമാണ് സമ്പൽ സമൃദ്ധഭാരതം.

രക്തം ചൊരിയാതെ നേടിയെടുത്തതാണ് ഭാരതസ്വാതന്ത്ര്യം എന്ന പ്രചാരണം അടിസ്ഥാനരഹിതമാണെന്ന് തെളിയിക്കുന്ന ഗ്രന്ഥം.

1757 ലെ പ്ലാസിയുദ്ധം മുതല്‍ സ്വാതന്ത്ര്യം ലഭിച്ച 1947 വരെ ലക്ഷക്കണക്കിന് സമരഭടന്മാരാണ് രണഭൂമിയില്‍ ബലിദാനികളായിട്ടുള്ളത്. അവരില്‍ അറിയപ്പെടുന്നവരേക്കാള്‍ അറിയപ്പെടാത്തവരാണ് ബഹുഭൂരിപക്ഷവും. അതില്‍ത്തന്നെ പതിനായിരക്കണക്കിന് ബാലികാബാലന്മാരും സ്വാതന്ത്ര്യസമര തീച്ചുളയില്‍ ജീവിതം ആഹൂതി ചെയ്തിട്ടുണ്ട്. പക്ഷേ, അവരെയൊന്നും പുറംലോകം അധികം അറിഞ്ഞിട്ടില്ല.

ധീരരായ ആ പിഞ്ചു ബലിദാനികളെക്കുറിച്ച് പ്രമുഖ എഴുത്തുകാരന്‍ ഗോപാല്‍ മഹേശ്വരി രചിച്ച 'ബാല്‍ ബലിദാനി' എന്ന ഗ്രന്ഥത്തിന്റെ മലയാള പരിഭാഷയാണ് 'ബാലബലിദാനികള്‍' എന്ന പേരില്‍ പത്മിനി ബാലചന്ദ്രന്‍ തയ്യാറാക്കിയിട്ടുള്ള ഈ പുസ്തകം.

മുപ്പതോളം ബാലബലിദാനികളുടെ, ഏവരേയും ഞെട്ടിപ്പിക്കുന്ന സാഹസികത നിറഞ്ഞ ജീവിതമാണ് ഇവിടെ പ്രകാശിതമാകുന്നത്.

ഇന്‍ഡ്യന്‍ സ്വാതന്ത്ര്യസമരമെന്ന ഇതിഹാസോജ്ജ്വല ചരിത്രസത്യത്തിന്റെ നടുനായകത്വം വഹിച്ച ധീരദേശാഭിമാനിയായിരുന്നു നേതാജി സുഭാഷ് ചന്ദ്രബോസ്.

ഇന്‍ഡ്യന്‍ സ്വാതന്ത്ര്യസമരത്തിനുവേണ്ടണ്ടി ജനിച്ച ഒരു മഹാപ്രതിഭയായിരുന്നു അദ്ദേഹം.

ബാല്യകാലം മുതല്‍ സ്വാതന്ത്ര്യത്തെക്കുറിച്ചുമാത്രം അനവരതം ചിന്തിക്കുകയും പോരാട്ടവീര്യം സ്വപ്‌നം കാണുകയും ചെയ്ത സുഭാഷ് യൗവ്വനത്തില്‍ തന്നിലേയ്ക്ക് കടന്നുവന്ന എല്ലാ സൗഭാഗ്യങ്ങളെയും എന്നന്നേയ്ക്കുമായി ഉപേക്ഷിച്ചുകൊണ്ടണ്ട് ഭാരതമോചനത്തെക്കുറിച്ചുമാത്രം ചിന്തിക്കുന്ന കര്‍മ്മപോരാളിയായി മാറി; തുടര്‍ന്ന് ജനകോടികളുടെ പ്രതീക്ഷക്കൊത്തുയര്‍ന്ന്, ഭാരത കേസരിയായി പരിവര്‍ത്തനം ചെയ്യപ്പെടുന്ന കാഴ്ചയ്ക്കാണ് ചരിത്രം സാക്ഷിയാകുന്നത്.

മഹാനായ വിപ്ലവകാരി നേതാജി സുഭാഷ് ചന്ദ്രബോസിനെക്കുറിച്ച്, അദ്ദേഹത്തിന്റെ ചൈതന്യവത്തായ ജീവിതത്തെക്കുറിച്ച് കിണാവല്ലൂര്‍ ശശിധരന്‍ തയ്യാറാക്കിയിട്ടുള്ള ഈ ഗ്രന്ഥം പുതുതലമുറയുടെ നേതാജി സ്മരണകളെ പ്രോജ്ജ്വലിപ്പിക്കുകതന്നെ ചെയ്യും.

മറ്റാര്‍ക്കും അതിസാധാരണമായി അടുത്തുകിട്ടാത്ത വ്യക്തികളെ, അല്ലെങ്കില്‍ സാധിക്കുമായിരുന്നിട്ടും മറ്റുപലരും ഒഴിവാക്കിയവരെ കണ്ടെത്തി, അവരുടെ ഉള്ളറിഞ്ഞ് വായനക്കാര്‍ക്കായി അവതരിപ്പിക്കുകയാണ് ഈ ഗ്രന്ഥത്തില്‍. അഭിമുഖങ്ങളാണ് അധികവും. അവരെക്കുറിച്ചും അവര്‍ക്ക് പറയാനുള്ളതുമാണ് വിവരിക്കുന്നത്. ഉള്ളടക്കംകൊണ്ട@ും അവതരണ രീതികൊണ്ട@ും തികച്ചും വ്യത്യസ്തമായ പുസ്തകം. ആവര്‍ത്തിച്ചു വായിക്കാന്‍ പ്രേരിപ്പിക്കുന്ന, വസ്തുതകളുടെ ആധികാരികതയുറപ്പിക്കാന്‍ സഹായകമായ പുസ്തകം.

ബാലഗോകുലത്തെ മനസ്സിലാക്കാനാഗ്രഹിക്കുന്നവർക്ക് ഏറെ പ്രയോജനപ്പെടുന്ന ഗ്രന്ഥം.

രാഷ്ട്രോപാസകനും അതുല്യ സംഘാടകനും കർമയോഗിയുമായ എം.എ സാർ പല കാലങ്ങളിലായി എഴുതിയ ആലോചനാമൃതങ്ങളായ ഒരു പിടി ലേഖനങ്ങളുടെ സമ്പുടമാണ് ഈ വിശിഷ്ട ഗ്രന്ഥം.

കേസരി പത്രാധിപരായിരുന്ന കാലത്ത് എം.എ. സാർ എഴുതിയ ദിശാ ദർശകങ്ങളായ മുഖപ്രസംഗങ്ങളുടെ സമാഹാരമാണ് കേസരി മുദ്രകൾ എന്ന ഈ ഗ്രന്ഥം

അഷ്ടമുടിക്കായലില്‍ ചിതറിക്കിടക്കുന്ന ദ്വീപുകളുടെ സമൂഹമാണ് പതിനായിരത്തോളം ജനങ്ങള്‍ വസിക്കുന്ന മണ്‍ട്രോത്തുരുത്ത്്. സ്‌ക്കോട്ട്‌ലന്റുകാരനായ കേണല്‍ ജോണ്‍ മണ്‍ട്രോയുടെ പേരുപേറുന്ന ഭൂമുഖത്തെ ഒരേയൊരു പ്രദേശം. ഒരു നൂറ്റാണ്ടിലേറെക്കാലം കൂട്ടമതപരിവര്‍ത്തന പ്രലോഭനങ്ങളെ അതിജീവിച്ച വിവിധതലമുറകളുടെ അന്യാദൃശമായ ചെറുത്തുനില്പിന്റെ ചരിത്രമുറങ്ങുന്ന നാട്.

ഇരുനൂറ് വര്‍ഷം പിന്നിട്ട, നാടകീയവും ഉദ്വേഗജനകവുമായ അറിയപ്പെടാത്ത ആ സംഭവങ്ങളിലൂടെ പത്രപ്രവര്‍ത്തകന്‍ പി. സുജാതന്‍ അന്വേഷണബുദ്ധിയോടെ നടത്തിയ ദീര്‍ഘസഞ്ചാരം ലളിതവും ഹൃദ്യവുമായ ഭാഷയില്‍ ആവിഷ്‌കരിക്കുന്നു.

ചരിത്രസംഭവങ്ങളെ അതിമനോഹരമായ വായനാനുഭവമാക്കുന്ന കൃതി.

അലക്സാണ്ടറുടെ കടന്നുവരവോടെ ആരംഭിക്കുന്ന ആക്രമണങ്ങളുടെയും സ്വത്വാഭിമാനത്തിലൂന്നിയതും വ്യത്യസ്ത സ്വഭാവത്തിലുള്ളതുമായ ചെറുത്തു നില്പുകളുടെയും സുദീർഘമായ ഒരു ചരിത്രമാണ് ഈ ഗ്രന്ഥത്തിലൂടെ ഇതൾ വിരിയുന്നത്. എവിടെ നിന്നോ അടർത്തിയെടുത്ത ഭാഗികസത്യങ്ങളും മത പ്രീണന രാഷ്ട്രീയത്തിന്റെ സൃഷ്ടികളായ നുണക്കഥകളും ഒരുമിച്ച് തുന്നിച്ചേർത്ത ഒരു 'കണ്ടം ബെച്ച കോട്ട്' ആണ് ദേശവിരുദ്ധസർവ്വകലാശാലകളുടെ ഉല്പന്നമായ ഇന്നത്തെ ഇന്ത്യാ ചരിത്രം. ആ പ്രവണതകൾക്കു നേരെയുള്ള ദേശീയ ബോധത്തിലൂന്നിയ ഒരു പൊളിച്ചെഴുത്താണ് ഇതിലൂടെ നിർവഹിക്കപ്പെടുന്നത്.

1921 ൽ ഉത്തര മലബാറിൽ ഇസ്ലാം ഭീകരർ നടത്തിയ അതിക്രൂരമായ ഹിന്ദു വംശഹത്യയാണ് മാപ്പിള ലഹള. ഖിലാഫത്തിന്റെ പേരിൽ ആരംഭിച്ച പ്രക്ഷോഭം നേതൃത്വത്തിന്റെ കൈകളിൽ നിന്ന് വഴുതിമാറി നിഷ്ഠൂരമായ ഹിന്ദുപീഡനവും നരഹത്യയുമായി പരിണമിക്കുകയായിരുന്നു.

ഹൈന്ദവ ജനത നേരിട്ട ദാരുണമായ സംഭവങ്ങളുടെ ആഴം കണ്ടറിഞ്ഞ് വീര വിനായക ദാമോദര സാവർക്കർ 'മാപ്പിള' എന്ന പേരിൽ ഒരു നോവൽ രചിച്ചു. പ്രസ്തുത നോവലിന്റെ മലയാള പരിഭാഷയാണ് 'മാപ്പിള' എന്ന ഈ ഗ്രന്ഥം.