ഹൃദ്യ മായൊരു കാവ്യാനുഭവം മാത്രമല്ല, തീക്ഷണവുമായൊരു ജീവിതാന്വേഷണവും സംഗമിക്കുന്നതാണ് അഴീക്കൽ മുരളിയുടെ കവിത.

കവിയുടെ സത്യസന്ധതയിലാണ് കാലത്തിന്റെ പൊരുൾ അടങ്ങിയിരിക്കുന്നതെന്ന മഹത്തായ ദർശനത്തിന്റെ അടയാളവാക്യമാകുന്ന, സ്വയം കത്തിത്തീരുമ്പോഴും മറ്റുള്ളവർക്ക്  പ്രകാശവും പ്രതിഷേധമായും മാറുന്ന ലക്ഷ്യവേധികളായ മുഷത്തിയൊന്ന് കവിതകൾ.

ബലമില്ലാത്ത ബാല്യകാലം ഇന്നൊരു വെല്ലുവിളിയാണ്.
പഴമയുടെ കരുത്തും ഇന്നിന്‍റെ വേഗവും ഒത്തുചേരാന്‍ ഏറെ പണിയെടുക്കേണ്ടിവരും. കുഞ്ഞുകുട്ടികള്‍ക്ക് ഭാവനവിടാരാന്‍ എന്നും കുട്ടിക്കവിതകള്‍ക്കുള്ള സ്ഥാനം ഏറെയാണ്. ഈ തിരിച്ചറിവില്‍ പങ്കുചേര്‍ന്നുകൊണ്ട്, ചന്തിരൂര്‍ താഹ പലപ്പോഴായി രചിക്കുകയും കേസരിവാരിക മാതൃഭൂമി എന്നീ പ്രസിദ്ധീകരണങ്ങളില്‍ വന്നതുമായവ ചേര്‍ന്ന് കുഞ്ഞുങ്ങളുടെ ലോകത്തിന് സമര്‍പ്പിക്കട്ടെ.

മനുഷ്യജീവിതത്തെ നന്മയിലേക്ക് നയിക്കുക എന്നൊരു ലക്ഷ്യം മുന്‍കാലങ്ങളില്‍ സാഹിത്യത്തിനും കലകള്‍ക്കും ഉണ്ടായിരുന്നു. മനുഷ്യമനസ്സിനെ വിപുലീകരിക്കുകയും ഉദാത്തമാക്കുകയും ചെയ്യുക എന്നത് സാഹിത്യാദികലകളുടെ ധര്‍മമായി അക്കാലങ്ങളില്‍ കരുതിയിരുന്നു. ഇക്കാലത്ത് അങ്ങനെയൊരു ലക്ഷ്യമോ ധര്‍മമോ അവയ്ക്കുണ്ടോ എന്ന കാര്യത്തില്‍ നമുക്ക് സംശയം തോന്നാം. വായിക്കുന്നവയും, കാണുന്നവയും കേള്‍ക്കുന്നവയും അധികമൊന്നും ഉള്ളില്‍ തങ്ങിനില്‍ക്കാറില്ല എന്നുമാത്രമല്ല യാതൊരുവിധ ചലനവും നമ്മില്‍ സൃഷ്ടിക്കാറുമില്ല. ഈ പതിവനുഭവത്തിന് വിരുദ്ധമായി ഒരു സാഹിത്യസൃഷ്ടിയിലൂടെ കടന്നുപോയപ്പോഴുണ്ടായ ആനന്ദം, അതാണ് ശ്രീമതി എം.എം. സാവിത്രിയുടെ 'നിലാവൊഴുകുന്ന നദി' എന്ന കാവ്യസമാഹാരത്തെ വ്യത്യസ്തമാക്കുന്നത്.

എല്ലാ ജീവജാലങ്ങള്‍ക്കും സുഖദുഃഖങ്ങള്‍ ഒരോര്‍മ മാത്രമാവുന്നു. സുഖവും ദുഃഖവും ഇടകലര്‍ന്ന നമ്മുടെ ജീവിതയാത്രയ്ക്കിടയില്‍ നാം കണ്ടുമുട്ടുന്ന യാഥാര്‍ത്ഥ്യങ്ങള്‍ക്ക് നേരേ ഒന്ന് കണ്ണോടിയ്ക്കുക മാത്രമാണ് ഞാനീ കവിതകളില്‍ ചെയ്തിട്ടുള്ളത്. നമ്മുടെ ചുറ്റുപാടുമുള്ള പല ഭാവങ്ങളും ഈ കവിതകളില്‍ ദര്‍ശിക്കാന്‍ കഴിയുമെന്നു വിശ്വസിക്കുന്നു. എന്‍റെ ആദ്യസംരംഭമായ ആയുര്‍രേഖ എന്ന കവിതാ സമാഹാരത്തിന് അവതാരിക എഴുതിത്തന്ന് അനുഗ്രഹമേകിയ മഹാകവി അക്കിത്തത്തിനും എന്നെ പ്രോത്സാഹിപ്പിക്കുകയും സഹായസഹകരണങ്ങള്‍ ചെയ്യുകയും ചെയ്ത വീട്ടുകാര്‍, എന്‍റെ സുഹൃത്തുക്കള്‍, എന്‍റെ വിദ്യാര്‍ഥികള്‍ എല്ലാവരോടും എന്‍റെ നന്ദിയും ആദരവും അറിയിക്കുന്നു. സര്‍വ്വോപരി ഈ കവിതാ സമാഹാരം യാഥാര്‍ഥ്യമാക്കിയ കുരുക്ഷേത്രയ്ക്കും ഹൃദയം നിറഞ്ഞ നന്ദി.