ഒന്നിനോടും ഉപമിക്കാൻ കഴിയാത്ത സർവോത്കൃഷ്ടമായ ജ്ഞാന ദീപമാണ് ഭാഗവതം. ബ്രഹ്മതത്വത്തിൻറെ അനുഭവസ്വരൂപേണയുള്ള ജ്ഞാനവും ആ ഞാനപ്രാപ്തിക്കുള്ള അനുഷ്‌ഠാങ്ങളുമാണ് ഭഗവതത്തിന്റെ മുഖ്യ സവിഷേശേഷത.

ഭാഗവതം ശ്രദ്ധയോടെ കേൾക്കുകയും പഠിക്കുകയും തത്ത്വവിചാരത്തിലേർപ്പെടുകയും ചെയുന്ന ഏതൊരാൾക്കും ഭക്തിപ്രഭാവത്താൽ സകല കർമവാസനകളും നശിച്ച് മുക്തി ലഭിക്കുമെന്ന് ഭാഗവതം സൽക്കഥകളിലൂടെ വ്യക്തമാക്കുന്നു.

അതീവ ഹൃദ്യമായ സപ്താഹ വേദികളിൽ അവതരിപ്പിക്കപ്പെട്ട ഭാഗവത പാരായണരത്‌നം വെണ്മണി വിഷ്ണുനമ്പൂതിരിപ്പാടിന്റെ പ്രഭാഷണങ്ങളുടെ ലിഖിതരൂപം.

ഭാരതീയ ആധ്യാത്മികപരമ്പരയിലെ മഹാചാര്യനായ ശ്രീനാരായണഗുരുദേവൻറെ വേദമന്ത്രസദൃശ്യമായൊരു കൃതിയാണ് ഹോമമന്ത്രം.

ലളിതമായി യജ്ഞo  അനുഷ്ഠിക്കുന്നതിനുവേണ്ടി രചിക്കപ്പെട്ട ഹോമമന്ത്രം, വേദകാലത്തിനുശേഷം ഭാവഗരിമയോടെ ദേവഭാഷയിലെഴുതപെട്ട ഗുരുദേവപ്രസാദമാണ്. യജ്ഞത്തിന് സാമൂഹികമായ മനംനൽകിയ ഹോമമന്ത്രത്തിൻറെ അനുഗൃഹീതവ്യാഖ്യാനം.

മധ്യകാലഘട്ടത്തിൽ മലയാളത്തിൽ പ്രചാരത്തിൽവന്ന 'വൃത്തങ്ങൾ' എന്ന സാഹിത്യ പ്രസ്ഥാനത്തിലെ ശ്രദ്ധേയ കൃതി . തുഞ്ചത്ത് എഴുത്തച്ഛൻ്റെതെന്ന് വിശ്വസിക്കപ്പെടുന്ന രാമായണം ഇരുപത്തിനാല് വൃത്തത്തിൻ്റെ സംശോധനവും ഗദ്യവിവരണവും പ്രാചീന പദ്യരചനാ സങ്കേതങ്ങളെ കുറിച്ചുള്ള പഠനവും ഉൾചേർത്ത മലയാള ഭാഷാചരിത്രത്തിലെ പ്രഥമ ഗ്രൻഥം.

കേരളത്തില്‍ ക്ഷേത്രങ്ങളോട് ബന്ധപ്പെട്ടും അല്ലാതെയും ധാരാളം ആചാരങ്ങളും അനുഷ്ഠാനങ്ങളും നിലവിലുണ്ട്. പലതും മണ്‍മറഞ്ഞുപോയി. ചിലത് അനാചാരങ്ങളുമായിത്തീര്‍ന്നു. എങ്കിലും അവയ്ക്കുള്ള സ്വാധീനം ഇന്നും ജനങ്ങള്‍ക്കിടയില്‍ തള്ളിക്കളയാനാവാത്തവിധം വേരൂന്നിനില്‍ക്കുന്നു. പ്രശ്നോത്തരിക്ക് അവലംബം അത്തരം ആചാരാനുഷ്ഠാനങ്ങളില്‍ നിന്ന് തെരഞ്ഞെടുത്തവയാണ്. ഗഹനമായ വിഷയമാകയാല്‍ ചുരുക്കി പ്രശ്നോത്തരീരൂപത്തില്‍ അവതരിപ്പിച്ചിരിക്കുന്നു. പല വിഷയങ്ങളെക്കുറിച്ചും ഇതിലൂടെ ബോധവല്‍ക്കരിക്കാനുള്ള ശ്രമം നടത്തിയിരിക്കുന്നു. തിരക്കുപിടിച്ച ആധുനിക മനുഷ്യന് മനസ്സില്‍ തങ്ങി നില്‍ക്കുന്ന ചോദ്യങ്ങള്‍ക്കും സംശയങ്ങള്‍ക്കും എളുപ്പത്തില്‍ ഉത്തരം കണ്ടെത്താനും അറിവുപകരാനും പ്രശ്നോത്തരി സഹായകരമാണ്, വിഷയത്തിലേക്ക് ആഴ്ന്നിറങ്ങി പഠിക്കാന്‍ സമയമില്ലാത്തവര്‍ക്ക് ഈ പുസ്തകം അല്‍പമെങ്കിലും ഉപകരിക്കുമെന്ന് വിശ്വസിക്കട്ടെ!

ജന്മംകൊണ്ട് ഹിന്ദുവായ ഏതൊരാളും കര്‍മംകൊണ്ടുകൂടി ഹിന്ദുവായി ജീവിച്ചാലേ ജന്മസാഫല്യമുണ്ടാകൂ. എങ്ങനെയാണ് ഹൈന്ദവജീവിതം നയിക്കേണ്ടത് എന്ന് ആചാര്യന്മാര്‍ നമുക്ക്

ഉപദേശിച്ചുതന്നിട്ടുണ്ട്. അവ വായിച്ചറിയുകയും ഗുരുമുഖത്തു നിന്നു കേട്ടറിയുകയും ചെയ്ത് ജീവിതത്തില്‍ പകര്‍ത്തണം. ഹൈന്ദവജീവിതം നയിക്കാനാഗ്രഹിക്കുന്നവര്‍ അവശ്യം അറിഞ്ഞിരിക്കേണ്ട ചില വസ്തുതകളാണ് ഈ ഗ്രന്ഥത്തില്‍ ഉള്‍ക്കൊള്ളിച്ചിരിക്കുന്നത്.

മതം ഒരു അനുഭവമാണ്. മതബോധം ഒരു ജീവനകലയാണെന്നും മനുഷ്യന് സുഖമായും സൗഹാര്‍ദപരമായ ജീവിതത്തിനും സഹായിക്കുന്ന ശാസ്ത്രമായിരിക്കണമെന്നും ചിന്തകര്‍ പറയുന്നു.
വിവേകാനന്ദസ്വാമികളുടെ വാക്കുകളില്‍ മതം ഒരു തത്ത്വശാസ്ത്രമോ ചോദ്യം ചെയ്യാന്‍ പാടില്ലാത്ത ഒരു സിദ്ധാന്തമോ അല്ല. മാര്‍ഗദര്‍ശിത്വം അരുളണം എന്നാണത്. ഹൈന്ദവജീവിതത്തിന്‍റെ അടിസ്ഥാനപ്രമാണങ്ങളെ വിശദീകരിച്ച് അതിലെ അറിവും സന്ദേശങ്ങളും സമഗ്രമായി ക്രോഡീകരിക്കുകയാണ് ഗ്രന്ഥത്തില്‍.

പരിസ്ഥിതിപ്രശ്നങ്ങള്‍ ഇത്രയും കാലം വ്യക്തികളെ നേരിട്ട് ബാധിക്കാതെയിരിക്കുകയായിരുന്നു. എന്നാല്‍ ഇന്ന് കാലാവസ്ഥാവ്യതിയാനവും ആഗോളതാപനവും മനുഷ്യരാശിയുടെ നിലനില്പിനെ തന്നെ ചോദ്യം ചെയ്യാന്‍ ആവുംവിധം ഭീഷണമായിരിക്കുകയാണ്. ഈ അവസ്ഥയിലാണ് ഭാരതീയവിജ്ഞാനത്തിന്‍റെ ഭാഗമായ 'നക്ഷത്ര വൃക്ഷങ്ങള്‍' എന്ന വിഷയത്തെപ്പറ്റി ഒരു പുസ്തകം എല്ലാ സാധാരണക്കാര്‍ക്കും ഉപയോഗിക്കാവുന്ന വിധം തയ്യാറാക്കിയത്. ഇതില്‍ പറഞ്ഞിരിക്കുന്ന എല്ലാ വൃക്ഷങ്ങളും മഹത്വമുള്ള ഔഷധവൃക്ഷങ്ങള്‍ ആണ്. പലതും നമ്മുടെ തൊടികളില്‍ നിന്നം അന്യം നിന്നുപോയവയുമാണ്. സ്ഥാപനങ്ങള്‍, ക്ഷേത്രങ്ങള്‍, പള്ളികള്‍, പൊതുസ്ഥലങ്ങള്‍ എന്നിവിടങ്ങളില്‍ ഈ 27 തദ്ദേശീയ ഔഷധവൃക്ഷങ്ങള്‍ വച്ചുപിടിപ്പിച്ചാല്‍ ആ സ്ഥലത്ത് ശുദ്ധവായുവും ധാരാളം ജലശേഖരവും ഉറപ്പാക്കാം